Монастырев Иван Иванович — Тирэх Уйбаан, народный мастер по резьбе по дереву, член творческого Союза художников России, целитель
Бүтэһик сонуннар — Последние новости
Күн көнтөһүттэн күөннээх,
Айыы арҕаһыттан аналлаах,
Оройунан оҥоһуулаах
Орто дойду одьунааһа буол!
Айыы ыраас
Анал аат анатыылаах,
Ураа ураһа оллоонноох
Урааҥхай улуута буола улаат!
Сыһыыга сылгы сиэтиилээх,
Сырдыгы сырсар
Сыыдам сырыылаах
Саха саарына буола сайын!
Хонууга хороҕор холбооһуннаах,
Хоротуулаах хоннохтоох
Хоһуун хоодуот хорсуна,
Хонуу хотойо буола үүн!
Үрүҥ күн анныгар,
Орто дойду олоҕун
Тутуллар туонатыгар
Күн сирин көмүскэлэ,
Айыы аймах араҥаччыта
Көмүскүүр күүс күөннэнэн,
Эрдээх санаа эҥэрдэнэн,
Иҥиир ситии иҥэһэлэнэн,
Экчиргэлээх эр бэрдэ
Урааҥхай уруутугар,
Саха омук аймаҕар
Айыллан кэллэ — кэнчээри
Үс кырыы уол оҕо буолан. Читать далее «Уол анала»
Куйаар кутун
Кутуллар кустуга,
Сирдээҕи сигили
Сиэдэрэй симэҕэ —
Таптал – куйаар, сир ситимэ,
Тыынар тыыннаах
Айыллар аартыга,
Оломноох олох
Кэрэмэн кэрэһитэ. Читать далее «Таптал–олох ымыыта»
Сэгэйэн устан хаамар,
Субуллар уһун суһуохтаах,
Сайдар санаа аргыстаах
Саха кэрэ кыыһа, омугун анала.
Аһыллар арчылаах айылгыгын
Анаа бэйэҥ омугуҥ уолугар,
Кэнчээрилэриҥ кэскиллэрин кэҥэтэ
Кэҥиир, омугуҥ үйэтин уһата.
Атаҕастыы санаама аналгын,
Атыҥҥа аралдьыйан аймаама.
Кэрэхсии көр сахаҥ уоланын,
Көрсүһээр олоҕуҥ аргыһын.
Уоланыҥ дьолунан туолан,
Уйгулаах олох туоната тупсуо.
Саха кэхтибэт кэскилигэр
Саргы-дьаалы салаллыа.
Оччоҕо айыыларыҥ аргыстаһан,
Оҥоһуулаах айылҕаҥ арчытынан
Ытык иэскин толорон,
Ыттыаҥ ырайга ырыанан.
Ыраас санаа ыллыктаах,
Үтүө санаа үктэллээх.
Ыал кута хоннохтоох,
Алаһа дьиэ илгэлээх,
Ырыаҕа ылланар,
Хоһооҥҥо хоһуйуллар
Саха дьахтара барахсан. Читать далее «Саха дьахтара»