Тирэх Уйбаан түөлбэтиттэн

Тирэх Уйбаан түөлбэтиттэн
Толкуйум тобуллан
Таабырын таайыллан
Түүлүм- битим тупсан
Туругум да тупсан
Тапталым табыллан
Талба талаан түөлбэтиттэн
Тирэхтэнэн, тыын ылан
Табыллыы, тупсуу кынаттанан
ТИРЭХ УЙБААҤҤА тиэрдэбин
Таҥара курдук сырдык киһиэхэ:
Туймаада Эбэ туонатыттан
Татыйаана — Харыстаанаттан
Туохха да тэҥнэммэт
Тиэрдэбин Барҕа баһыыбаны,
Таарыйа мааны махталы.
Тосхойдун эйиэхэ дьол-саргы
Талааныҥ төрүү туруохтун
Туппутуҥ бары табыллыахтын
Төлкөлөөҕү түстээҥҥин
Тупсуо, сайдыа Сахам сирэ.
Татыйаана-Харыстаана
Туймаада туоната.
17.09.2020 с.

Күн дьоно күндүлэнин !

Күн дьоно күндүлэнин !
Айыы аймаҕа айхалланын !
Урааҥхай удьуора уруйданын !
Күн сирин сирэмигэр ,
Орто дойду олоҕор ,
Ил — Эйэ туругурдун !!!
Сомоҕолоһор соргуланын !
Түмсэр түһүлгэлэнин !
Дьол — соргу тосхоллонун !
Үүнэр үгүс Үйэлэргэ !!! .

Баҕардым байымы ,
Бараммат барҕаны !!! .
Тирэх Уйбаан .

Саҥа күн саргыланнын !

Саҥа күн саргыланнын ! 
Үүммүт күн үүнүүлэннин ! 
Кэлбит кэм кэскиллэннин ! .
Барыта — бары табыллан      
Ситэри — хотору буолуохтун ! 
Дьоллоох дьоһун олохтонун !
Бар дьонум — сэргэм !!! .

Тирэх Уйбаан.

Аламай күн Айхала

Аламай күн Айхала
Айыы аймаҕын араначчылаатын !!!
Күлүм күн күөнэ,
Күн дьонун көмүскээтин !!!
Саха аймах Айхалланнын !!! 
Урааҥхай уруута Уруйданнын !!!
Сомоҕолоһор соргу суолланнын !!!
Түмсэр түһүлгэ түстэннин !!!
Дьоһун дьойдубут дьоллоннун !!!
Амарах айылҕабыт кэскиллэннин !!!
Ил — Эйэ эйгэтэ олохсуйдун !!!
Уруй , Айхал буолуохтун !!!

Тирэх Уйбаан баҕардым быйамы бар дьоммор